பறந்து செல்வதுதான் வாழ்க்கை

எதுவும் இல்லாமல் பிறந்து

எல்லாம் வேண்டும் என அலைந்து

எதுவும் நிரந்தரமில்லை என தெரிந்து

உயிரும் சொந்தமில்லை என உணர்ந்து

உலகை விட்டு ஒருநாள் பறந்து செல்வதுதான்

வாழ்க்கை

வாழ்க்கை எனும் பூந்தோப்பில்

பூக்களும் முட்களும் உண்டு

பல வலிகளைக் கடந்தாலே

பூக்களை கொய்ய முடியும்

சாவிலும் இவ்வுலகம் எமை

சான்றோராய் போற்றிட

நல் மனிதராய் வாழ்ந்து

நானிலத்தை வென்றிடுவோம்

வாழ்க்கை எனும் பெரும் போரில்

நாம் அனைவரும் போர் வீரர்கள்

பல காயங்களை அடைந்து

வெற்றியை சுவைத்திடுவோம்