சிந்தித்தால் மட்டும் போதும் .

உலகில் உள்ள மதங்கள் யாவும்

மனிதமாக மலர வேண்டும் !

உயர்ந்த ஜாதி, தாழ்ந்த ஜாதி

பேதம் எல்லாம் ஒழிய வேண்டும் !

உணவு தேடி பசியில் வாடும் ஏழை

இல்லா நிலைமை வேண்டும் !

நாடு நாடாய் விரட்டி அடிக்கும்

அகதி இல்லா பூமி வேண்டும் !

உன் நாடும், என் நாடும், ஒன்றோடு ஒன்றாகி,

ஓர் நாடாய் ஆவதுற்கு அன்பு ஒன்று போதாதா ?

துப்பாக்கி வேண்டாம், குண்டுகள் வேண்டாம்,

வேற்றுமை பரப்பும் பாசிசம் செய்ய வேண்டாம் !

நீ செய்ய வேண்டாம் !

நான் செய்ய வேண்டாம் !

நாம் செய்ய வேண்டாம் !

யுத்தங்கள் வேண்டாம்,

சத்தங்கள் வேண்டாம்,

முத்தங்கள் போதும்

இரத்தங்கள் சிந்த வேண்டாம் !

நீ சிந்த வேண்டாம் !

நான் சிந்த வேண்டாம் !

நாம் சிந்த வேண்டாம் !

சிந்தித்தால் மட்டும் போதும் .